火車不時噴出白煙，仲有陣陣煤炭味，勁似卡通片劇照。 

登機證

旅行 旅遊 列車迷　日本中部

鐵路，對我們來說只是運輸用的交通工具，日本人卻視之為寶物，列車型號及款式五花八門，甚至連鐵路便當、月台廣播音樂都特色過人，難怪全日本有不少被稱為鐵男或鐵子的鐵道迷。位於日本中部的愛知縣及三重縣被譽為交通寶庫，大把新奇得意鐵路，而且玩意多多，就算唔係火車粉絲，都忍唔住要沉迷一下！

蒸汽火車放題　$90任搭

日本人對 SL蒸汽火車有一份情意結， SL為 Steam Locomotive的縮寫，明治時代稱為「陸蒸汽」。在日本不算新鮮事，現時全國約三十多個地方都有蒸汽火車，不過想坐唔容易，因為大多是季節限定，唔係日日開，而且通常要事先預約，撞唔啱時間唯有得個恨字。難得在名古屋的明治村，俾$90就可以一日內無限任搭，來回一轉已經抵番晒！
明治村有全日本甚至全球最古老的蒸汽火車，車齡約 139年，至今仍然運行中。這輛 12號蒸汽火車，於 1874年由英國引入並投入服務，行走新橋至橫濱一段，主要用作搬運貨物，在 1957年正式退役，後來搬到明治村保存，被譽為日本火車歷史上最珍貴的財產之一。雖然現時的火車鍋爐，已不是當年英製出品，不過外觀相差無幾，仲係燒煤炭作動力，因此深受日本人愛戴。本來於兩年前要檢查修理作無限期停駛，立即有不少粉絲反對，於去年順應民意又再次復出服務遊客。
12號有幾人氣？唔少遊客入來都只為探望佢，每次一埋站，粉絲就一窩蜂衝上前影相拍片，仲瘋狂過見到明星。兩站之間只有八百米，約五分鐘路程，但已經體驗到蒸汽火車的魅力。火車緩緩行駛，又噴煙又鳴笛，就好似時光倒流，突然，懷念起我們的九廣鐵路。 12號列車每小時兩班，每個月會休息四天，唔好走車！

(繼續閱讀...)